Bu ilin iyul ayında vəkil Aslan İsmayılov sosial şəbəkədəki səhifəsində Bakı şəhərinin mərkəzində park salması ilə bağlı video müraciətlə çıxış edib. O, burada ağaclar əkdiyini və böyük park saldığını bildirib. Lent.az xəbər verir ki, məsələ ilə bağlı Səbail Rayon İcra Hakimiyyəti açıqlama yayıb. Bildirilib ki, bu ərazidə ölkə başçısının tapşırıqlarına əsasən, Ekologiya və Təbii Sərvətlər Nazirliyi və Səbail Rayon İcra Hakimiyyəti tərəfindən yaşıllıqlar zonası və meşə zolağının yaradılması işləri aparılıb, yeni "Ekoloji park”ın yaradıldığı qeyd olunub: "Video materialda da burada işlərin Ekologiya və Təbii Sərvətlər Nazirliyinin əməkdaşları tərəfindən, nazirliyin texnikası cəlb olunmaqla aparıldığı aydın görünürdü.
Bir neçə gün əvvəl Aslan İsmayılov yenə də sosial şəbəkədə məlumat yayaraq Bayıl yamacındakı ərazıdə əkilən ağaclara qulluq göstərməsını göstərib, burada əkilən və yay aylarında gündəlik sulanıb qulluq göstərilən ağacları öz əməyinin nəticəsi kimi qələmə verib.
Hüquqşünas kimi Aslan İsmaylov gözəl bilir ki, Bakı şəhərinin mərkəzində park və ya bağ salınması qanunlarla tənzimlənir, bunun üçün müvafiq icra qurumlarının qərarı olmalıdır. Sürüşmə zonasına aid bu ərazidə əkilən ağac və yaşıllıqlara gündəlik qulluq olunması, suvarılması, saxlanılması üçün işçi qüvvəsi, texnika və vəsait tələb olunur və ərazidə ağaclara qulluq, yaşıllaşdırma işləri Ekologiya və Təbii Sərvətlər Nazirliyi və Səbail Rayon İcra Hakimiyyətləri tərəfindən həyata keçirilir. Burada ağaclara su Baki Şəhər İcra Hakimiyyəti Yaşıllaşdırma İdarəsinin su mənbəyndən verilir və bunun üçün vəsait dövlət tərədindən ödənilir.
Məlumdur ki, tək bir təxəyyül və pafoslu danışıqla bura nə su gətirmək olar, nə də ağac əkmək. Ölkəmiz hüquqi dövlətdir. Heç kim özbaşına, istədiyi yerdə cənab A.İsmayılov kimi nə budka qoya bilər, nə də ərazi zəbt edə bilər. Belə özbaşnalığa yol verilə bilməz.
Bizim fikrimizcə, zəngin fantaziyalı Aslan İsmaylov bu məlumatı paylaşmaqla gələcəkdə park salma adı altında ərazini zəbt etmək, burada hansı bir obyekt ya da restoran açmaq planlarını həyata keçirməyi düşünür. Bu zaman da öz təxəyyülünü işə salır. Bu da çox böyük təəccüb doğurur”.
