İran Xarici İşlər Nazirliyi İdlib məsələsi üzrə Rusiya ilə Türkiyə arasında əldə olunan razılaşmanı alqışlayıb.
"Report" RİA "Novosti"yə istinadən xəbər görə, bu barədə İran XİN-in rəsmi nümayəndəsi Bəhran Qasimi verdiyi bəyanatda bildirib.
"Rusiya və Türkiyə rəhbərlərinin görüşü və Suriyanın İdlib vilayəti üzrə məsələdə razılığın əldə olunması Suriyanın terror qalıqlarından təmizlənməsində vacib və prinsipial addımdır. Bu addım Suriya məsələsinin nizamlanmasına lazımi təsir göstərə, sülh prosesinə kömək edə və bu ölkədə terror qruplaşmalarının mövcudluğuna son qoya bilər", - bəyanatda deyilir.
