İran Ukraynaya məxsus təyyarə qəzasında həlak olanların ailələrinə veriləcək təzminatın məbləğini müəyyənləşdirib.
İranın YJC agentliyi xəbər verir ki, həmin ailələrin hər birinə 150 min ABŞ dolları ödəniləcək.
Bildirilir ki, bu gün keçirilən iclasda hökumət təyyarə qəzası qurbanlarının ailələrinə və yaxınlarına həyatını itirən hər bir şəxs üçün 150 min dollar və ya ona bərabər miqdarda avro ödəmənin hazırlanmasına dair qərar qəbul edib.
Xatırladaq ki, Tehran yaxınlığında Ukrayna aviaşirkətinə məxsus “Boeing 737-800” sərnişin təyyarəsi yanvarın səkkizində qəzaya uğrayıb, nəticəsində 176 nəfər həlak olub.
