İt sahiblərinin, SARS-Cov-2 koronavirüsüna yoluxma riski, ev heyvanı olmayanlara nisbətən 78 faiz daha yüksəkdir.
Lent.az xarici KİV-ə istinadla bildirir ki, bu gözlənilməz kəşfi, Qranada Universiteti və Əndəlüs Xalq Sağlamlığı Məktəbinin ispaniyalı alimləri ediblər.
Onlar tədqiqat çərçivəsində 2086 İspaniya sakini arasında sorğu keçiriblər. Bu zaman onlardan gigiyena vərdişləri və həyat tərzləri ilə bağlı ətraflı məlumat vermələri də istənilib.
Tədqiqatçılar infeksiya riskinə təsir edə biləcək amilləri analiz edərək, itlərlə yaşamağın və mütəmadi olaraq gəzməyin infeksiya riskini 78 faiz artması ilə əlaqəli olduğunu aşkar ediblər.
Bu günə qədər ev heyvanlarının virusu insanlara ötürə biləcəyinə dair bir dəlil yoxdur.
Buna görə də elm adamları, it sahiblərində yoluxma riskinin artmasının gəzinti zamanı ev heyvanlarının çirklənmiş səthlərə toxunması və onları yalaması, sonra infeksiyanı evə gətirmələri ilə əlaqəli ola biləcəyinə inanırlar.
