Noyabrın 12-də gecə saatlarında Kürdəmirdə ər öz arvadını bıçaqlayıb.
Oxu.Az-ın məlumatına görə, İ.Qayıbov küçəsində kirayə yaşayan 1986-cı il təvəllüdlü Babayev Anar Qəhrəman oğlu ilə həyat yoldaşı, 1989-cu il təvəllüdlü Babayeva Dürsədəf Əmirşah qızı arasında mübahisə yaşanıb.
Şəxsi münasibətlər zəminində A.Babayev mətbəx bıçağı ilə arvadına bir neçə zərbə vuraraq ağır xəsarətlər yetirib. D.Babayeva xəstəxanaya yerləşdirilib.
Qeyd edilir ki, ailənin üç azyaşlı övladı var.
Faktla bağlı cinayət işi açılıb. Babayev Anar Qəhrəman oğlu şübhəli şəxs qismində saxlanılıb.
