Oktyabrın 28-29-da Latviya Respublikasının paytaxtı Riqa şəhərində Latviya Transatlantik Təşkilatının (LATO) növbəti konfransı keçirilib.
Bu barədə "Şərq”in Latviyadakı xüsusi müxbiri, Latviya-Azərbaycan Kültür Assosiasiyasının rəhbəri Faiq Səfərov məlumat verib. F.Səfərov bildirib ki, 21 mart 2000-ci ildə yaradılan LATO təşkilatı, Brüsseldə yerləşən NATO-nun balaca övladıdır: "LATO kimi təşkilatlar Latviyadan başqa heç yerdə yaradılmayıb. 2012-ci ildə, 270 milyon dollara tikilən, amerika latışı Gunar Birkertsin proyekti əsasında Riqa şəhərində Latviya Milli Kitabxanası fəaliyyət göstərməyə başlayıb. Həmin Kitabxanada hər il LATO konfransı keçirilir. Bu konfransda 18 yaşından aşağı və 30 yaşdan yuxarı Afrika, Asiya, Avropa və Amerikanın 24 ölkəsindən 56 cavan siyəsətçi dünyanın siyasi, hərbi və iqtisadi problemlərini müzakirə etdilər. Böyük NATO təşkilatına və "dünya rəhbərliyinə” yekun fikirlər çatdırdılar. Riqada keçirilən LATO konfransında həmçinin, NATO-nun vəzifəli şəxsləri, generalları qatılıb”. Qurum rəhbəri bildirib ki, əhalisi 2 milyondan az olan Latviya 2004-cü ildən NATO-nun üzvüdür. Bu 12 il ərzində, Latviyanı NATO ordusu qoruyur: "Qarabağ torpaqları işğal olunub. 22 iki ildir ki, Minsk Qrupu siyasi demaqogiya ilə məşğuldur. Hesab edirik ki, Azərbaycan gec də olsa, özünü NATO, Avropa birliyi və Şengen zonasının üzvü etməlidir. Problem yalnız o halda həllini tapar”.
İsmayıl
