Rusiyanın TASS informasiya agentliyi Rusiya Federasiyasının xarici işlər naziri Sergey Lavrovun Bakıya səfəri barədə fotoşəkli "Həftənin əsas fotoları” adlı seçmə topluya daxil edib.
AZƏRTAC xəbər verir ki, TASS agentliyinin fotomüxbiri Aleksandr Şerbakın çəkdiyi bu fotoşəkildə Rusiyanın xarici işlər naziri Sergey Lavrov, stats-sekretar – xarici işlər nazirinin müavini Qriqori Karasin və Rusiyanın Azərbaycandakı səfiri Vladimir Doroxin tərəfindən Bakıdakı Şəhidlər xiyabanında "Əbədi məşəl” memorialı önünə əklil qoyulması anı əks olunub.
