Dünya futbolunun əfsanəvi simalarından biri olan Dieqo Maradona əməliyyat olunub.
Virtualaz.org yerli KİV-ə istinadən bildirir ki, bu barədə veteran futbolçunun vəkili Matia Moria məlumat verib. Onun sözlərinə görə, əməliyyat uğurlu keçib və Maradona tezliklə öz işinin başına qayıdacaq.
Qeyd edək ki, hazırda Meksikanın "Dorados" klubunun baş məşqçisi olan Maradona ötən həftə mədəsindəki qanaxma ilə bağlı xəstəxanaya yerləşdirilmişdi.
