"Məscidlərdə səsgücləndiricilərin həddindən artıq yüksək səslə istifadə olunmasının İslam dini baxımdan heç bir qəbahəti yoxdur”.
Bunu "Sherg.az”a Dini Qurumlarla İş üzrə Dövlət Komitəsinin sədri Mübariz Qurbanlının məscidlərdə mikrofondan həddindən artıq yüksək səslə istifadə edilməsi fikrinə münasibət bildirərkən ilahiyyatçı Hacı Atif İsmayılov deyib.
O bildirib ki, komitə sədri söylədiyi fikirləri dini yox ictimai nöqteyi nəzərdən bildirib:
"Hansısa səsin yüksək olması ətrafdakı mühiti narahat edirsə, Mübariz müəllim bunu ictimai asayişə təsir göstərməmək üçün deyir. Bəli, məscid özü ibadət yeridir və eyni zamanda orda hər hansı bir səsgücləndiricidən istifadə edilməsində yanlışlıq yoxdur.
Sadəcə ola bilər ki, kütləvi şəkildə cəmiyyətin narahatlığına səbəb olduğu üçün belə fikir səslənib”.
Yeganə Bayramova
