"Ölkəmizin iqtisadi gücü artdıqca dövlət tərəfindən əhalinin sosial vəziyyətinin yaxşılaşdırılması istiqamətində atılan addımlar da davamlı xarakter alır”.
Bunu "Sherg.az”a açıqlamasında millət vəkili Azər Badamov deyib.
Deputat bildirib ki, iqtisadiyyatı güclü olan ölkənin yaşayış səviyyəsi də yüksəlməlidir:
"Cənab Prezidentin apardığı dövlət siyasətinin təməlində insan amili dayanır. Ölkənin artan iqtisadi gücünün inkluziv şəkildə sosial müdafiəyə ehtiyacı olan təbəqəsi arasında sosial ədalət prinsipinə uyğun bölüşdürülməsi ölkə başçısının imzaladığı sərəncamların əsas məzmunu təşkil edir.
Bu ilin əvvəlində Prezidentin imzaladığı sosial paket çərçivəsində 3 milyondan çox vətəndaşın gəlirləri artdı. Amma bu paketin imzalanmasından sonra qeyd olundu ki, bu, son deyil və il ərzində yeni artımların olacağının şahidi olacayıq. Artıq ölkə başçısı növbəti sosial paketin icarsına sərəncam verib. Sərəncama uyğun olaraq ölkədə minimum əmək haqqının 70 manat artıralaraq 250 manata çatdırılması nəzərdə tutulur”.
Parlament üzvü vurğulayıb ki, minimum əmək haqqının artırılması ilə bağlı imzalanmış növbəti sərəncamlar ümumilikdə 2 milyondan çox insanın sosial rifahına müsbət təsir göstərəcək:
"Bu da hər bir ailənin büdcəsinin artması deməkdir. Minimum əmək haqqının alıcılıq qabiliyyətinə görə, Azərbaycan MDB məkanında ikinci yerdə qərarlaşıb. Əsas da odur ki, əhalinin pul gəlirləri artmasına baxmayaraq, ölkədə inflyasiya minimum həddə qalmaqdadır. Bu da əhalinin artan pul gəlirləri fonunda alıcılıq qabiliyyətinin yüksəlməsi deməkdir”.
İsmayıl
