"Kiber hücumların əsas məqsədləri istifadəçilərin məlumatlarına giriş əldə etmək və onların fəaliyyətlərini öz məqsədləri üçün istifadə etməkdir”.
Bunu "Sherg.az”a mobil kiberhücumların artmasının səbəblərini izah edərkən millət vəkili Tahir Mirkişili deyib.
O diqqətə çatdırıb ki, istifadəçilər arasında mobil qurğular istifadə edənlərin sayı sürətlə artıb:
"Müasir smartfonlar istifadəçilərə bütün əməliyyatları yerinə yetirmək imkanı verdiyindən istifadəçilər daha çox mobil tətbiqlərə üstünlük verirlər. Təbii ki, bununla da kiberhücumların hədəfinə çevrilir və müəyyən həcmdə zərər də görürlər”.
Hücumlardan qorunmağı yollarını izah edən deputatın sözlərinə görə, bunun üçün ilk öncə düzgün istifadə qaydalarına əməl etmək lazımdır:
"Kiberhücumların qurbanı olmamaq üçün istifadəçi yerinə yetirdiyi əməliyyatı diqqətlə öyrənməli, təhlükəsizlik qaydalarına əməl etməli və biliklərini daim artırmalıdır”.
Qeyd edək ki, "Avast” antivirusunun tərtibatçıları mobil cihazlara hücumların artdığını bildirib. Məlumata görə, təkcə "Android” əməliyyat sistemindəki cihazlarda bu artım 40 faizə çatıb.
Aysel Aslan
