Parisdə çörəkbişirmə müəssisəsində baş verən güclü partlayış nəticəsində 4 nəfər ölüb.
Trend-in məlumatına görə, ölənlərdən ikisi yanğınsöndürən, ikisi isə mülki sakin olub.
XXX
saat 15:38
Parisdə çörəkbişirmə müəssisəsində baş verən güclü partlayış nəticəsində xəsarət alanların sayı 20 nəfərə çatıb.
Trend-in məlumatına görə, xəsarət alanlardan iki nəfərin vəziyyəti ağır qiymətləndirilir. Hökumət rəsmiləri hadisə yerinə baş çəkiblər.
XXX
saat 13:02
Fransanın paytaxtı Parisdə güclü partlayış baş verib.
Trend-in məlumatına görə, hadisə şəhərin mərkəzi hissəsində çörəkbişirmə müəssisəsində baş verib.
İlkin ehtimallara görə, partlayışa qaz sızması səbəb olub.
Hadisə nəticəsində 1-i yanğınsöndürən olmaqla, 15 nəfərin yaralandığı deyilir.
Qeyd edək ki, bu gün Parisdə "sarı jiletlər"in növbəti aksiyası planlaşdırılır.
