"Ermənistanda keçirilən növbədənkənar parlament seçkilərində vətəndaşların fəallığı gözlənilən səviyyədə olmadı. Ermənistanda Mərkəzi Seçki Komissiyasında sədri Tiqran Mukuçyan bildirib ki, seçkilərdə fəallıq 48,63 faiz olub".
Bunu Sherg.az-a açıqlamasında siyasi təhlilçi Ehtiram Aşırlı deyib. Analitik bildirir ki, Ermənistanda keçirilən seçkilərdə insanlar prossesə şübhə ilə yanaşaraq səs verməyə getməyiblər:
-Paşinyan demokartiyadan "dəm" vursa da xalqı öz nağıllarına inandira bilməyib. Xüsusilə, erməni mətbuatında bildirilir ki, erməni tarixində ilk dəfə seçicilərin yarıdan çoxu səs vermədə iştirak etməyib. Əslində, bu xalqın Paşinyana da inanmadığının bariz nümunəsidir. Hər nə qədər Paşinyan inqilabla, xüsusilə də küçədən hakimiyyətə gəlsə də zamanla xalq gördü ki, o da Serj Sərkisyan diktatura yolu ilə gedir. Bu reallıq da seçkilərə təsirsiz ötüşmədi. Seçicilərin fəallığının aşağı olması faktı bir daha onu sübut edir ki, Paşinyan baş nazir seçilsə də hakimiyyəti uzunömürlu olmayacaq.
