"Türkiyənin hərbi bazalarının Azərbaycanda qurulması ölkəmiz adına önəmlidir”
Bunu "Sherg.az”a "Atlas” Araşdırmalar Mərkəzinin rəhbəri, politoloq Elxan Şahinoğlu bildirib.
O qeyd edib ki, Türkiyənin Azərbaycanda hərbi bazalarının qurulması haqqında çox açıqlamalar verib:
"Hazırda Rusiyanın Ermənistanda hərbi bazaları var. Bu da ondan xəbər verir ki, Azərbaycan və Ermənistan arasında müharibə olsa, Rusiya Ermənistanı müdafiə edəcək, hazırda da müdafiə edir. Son vaxtlar Azərbaycan Türkiyə ilə strateji hərbi əməkdaşlığını yüksək səviyyəyə qaldırıb. Bu məqamda Azərbaycanda Türkiyənin ən azı iki hərbi bazası yerləşdilməlidir.
Onlarda biri Naxcıvanda, digəri isə Abşeronda ola bilər. Türkiyənin hərbi bazalarının Azərbaycanda qurulması çox vacib amildir. Çünki ölkəmizə düşmən və ya rəqib gözlə baxan dövlətlər anlasınlar ki, Azərbaycan tək deyil, arxasında Türkiyə kimi dövlət var.
Ona görə də, Azərbaycana hücum etmək, ərazisini işğal etmək Türkiyəyə qarşı həmlə etməyə bərabər olacaq. Bu baxımdan da düşünürəm ki, Türkiyənin hərbi bazaları Azərbaycanda yerləşdirilməlisi vacibdir. Hətta bu fikiri Müdafiə naziri Zakir Həsənov da təsdiqləyir.
O açıqlamasında Ermənistanın arxasında Rusiyanın olduğunu və onlar Rusiyanın hərbi təcrübəsinddən yararlandığını bildirir. Bu mənada biz qardaş Türkiyə ilə bu istiqamətdə əməkdaşlığı gücləndirməliyik. Türkiyədən yeni hərbi texnika almalıyıq, Türkiyənin hərbi bazalarının Azərbaycanda yerləşdirilməsini təmin etməliyik. Və bu işin sürətləndirilməsinin vacib olduğunu düşünürəm”.
Kənan Eynuroğlu
