Ermənistan və Rusiya birgə hərbi təlimlər keçirir. Ermənistan Müdafiə Nazirliyinin məlumatına görə, təlimlərin məqsədi ordunun müxtəlif növlərinin birgə hərəkətlərini uyğunlaşdırmaq və personalın hərbi hazırlığını sınaqdan keçirməkdir.
Təlimlər aprelin 12-dək davam edəcək.
Məsələ ilə bağlı fikirlərini "Sherg.az”la bölüşən ehtiyatda olan polkovnik Şair Ramaldanov Ermənistan və Rusiyanın təhlükəsizlik təşkilatının üzvü olduğunu bildirib.
Ekspertin sözlərinə görə, Ermənistan Silahlı Qüvvələri ilə Rusiya mütəmadi olaraq hər zaman hərbi təlimlər keçirib:
"Təlimlər ilk növbədə Ermənistan və Rusiyanın silahlı qüvvələrinin proqramına uyğun olaraq Kollektiv Təhlükəsizlik Müqaviləsi Təşkilatı ilə nəzərdə tutulur.
Lakin təlimlərin prinsip olaraq keçirildiyini düşünmürəm. Çünki hərbi hazırlıq Ermənistan ərazisində keçirilir. Ona görə də belə təlimlərin hər zaman mütəmadi keçirilib”.
Yeganə Bayramova
