ABŞ dövlət katibi Maykl Pompeo həm Türkiyənin özünü terrorçulara qarşı müdafiə edəcəyini, həm də Suriya kürdlərinin qorunmasını təmin edəcək bir yol olduğunu bildirib.
Sherg.az Türkiyə mətbuatına istinadən bildirir ki, Birləşmiş Ərəb Əmirliklərində Türkiyənin xarici işlər naziri Mövlud Çavuşoğlu ilə telefonla danışmasından sonra açıqlama verən Pompeo, "ölkələrini terrorçulardan qorumaq Türkiyənin və Ərdoğanın haqqıdır. Digər yandan bizimlə birlikdə çiyin-çiyinə mübarizə aparanların qorunmağı haqq etdiyini bilirik” söyləyib.
ABŞ prezidenti Donald Trampın "ABŞ əsgərləri Suriyadan çıxacaq” açıqlamasından sonra Pompeo Yaxın Şərq turuna çıxaraq tərəfdaşları ilə Amerikanın yeni Suriya siyasətini müzakirə edir.
XİN başçısı Çavuşoğlu ilə telefon danışığından söz açan Pompeo, "bir çox detal üzərində işləmək lazımdır. Yaxşı bir qərar veriləcəyi haqqında ümidliyəm” deyə qeyd edib.
