"Dövlət başçısı İlham Əliyevin gənclərlə görüşünü və çıxışı zamanı qeyd etdiyi mühüm məqamları yüksək qiymətləndirirəm”.
Bunu "Sherg.az”a açıqlamasında Müasir İnkişaf İctimai Birliyinin sədri, AMEA-nın Mərkəzi Elmi Kitabxanasının şöbə müdiri Mübariz Göyüşlü deyib.
Birlik rəhbəri vurğulayıb ki, bu, Azərbaycan dövlətinin və rəhbərliyin illərlə formalaşmış gənclərə dəstək ənənəsinin davamıdır:
"Bu ənənənin əsası Ümummilli lider Heydər Əliyev tərəfindən qoyulub. Azərbaycanda Gənclər Gününün qeyd olunması, Gənclər Fondunun yaradılması, gənclər təşkilatlarına maliyyə dəstəyinin göstərilməsi, xaricdə gənclərin oxumağa göndərilməsi, dövlət orqanlarında məsul vəzifələrə çəkilməsi və s. çalışmaların hamısı Azərbaycan dövlətinin, şəxsən Prezidentin diqqət mərkəzindədir. Azərbaycan Ordusunu burada xüsusi qeyd etmək istərdim.
Ordumuzun böyük hissəsi gənclərdən ibarətdir. Silahlı Qüvvələrimiz daim Ali Baş Komandanın diqqət və qayğısı ilə əhatə olunub və üzərinə düşən missiyanı şərəflə yerinə yetirib. 2016-cı ilin aprel ayında əldə etdiyimiz uğurları və ordumuzun qəhrəmanlığını buna nümunə göstərmək olar”.
M.Göyüşlü bildirib ki, cənab Prezidentin çıxışları və fəaliyyəti gənclər üçün əsl örnəkdir:
"Atılan addımlar göstərir ki, cənab Prezident gənclərlə biryerdədir, onların problemlərini bilir və həlli üçün çalışır. Xüsusən bir məqamı vurğulamaq istərdim ki, Prezident öz çıxışı zamanı ictimai nəzarət funksiyasını yerinə yetirməyi gənclərə tövsiyyə etdi. Bu, çox ciddi məqamdır. Hesab edirəm ki, gənclər təşkilatları dövlət orqanlarının və məmurların çalışma prosesinə ictimai nəzarətlə bağlı dövlət başçısına yaxından köməklik göstərməlidirlər. Bu, dövlət-vətəndaş birliyinin daha da möhkəmlənməsi və güclənməsi ilə nəticələnə bilər”.
İsmayıl
