Antaliyada polisi həyəcana salan hadisə yaşanıb. Məlumata görə, günorta namazı üçün məscidə gələn camaat, namazdan öncə məscid tualetindən bir kişi və qadın səsinin gəldiyini fərq edib.
Vətəndaşlar gənclərə səslənmələrinə baxmayaraq tualetdən çıxan olmayıb. Bundan sonra polisə məlumat verilib. Hadisə yerinə gələn polis, həmin şəxsləri tualetdən çıxarıb. Qruplar, hər iki şəxsin üzərində və çantasında axtarış aparıb. Bu zaman gənc oğlanın halı pisləşib. Əl-üzünü yuyan gənc özünə gəldikdən sonra polis tərəfindən sorğulanıb.
Əvvəllər də eyni tualetdə narkotikdən istifadə edildiyini iddia edən vətəndaşlardan Məmməd Tilki, "Namaz üçün bu məscidə gəlirik. Qadınlar tualeti ümumiyyətlə ehtiyac aradan qaldırılsn deyə açıq saxlanır. Namazdan 1 saat əvvəl girdilər bu tualetə, səsləndik, ancaq çıxmadılar, biz də polisi axtardıq. Davamlı burada narkotikdən istifadə edilir. Bir saatdan çox tualetdə bir kişilə qadın yan-yana ola bilərmi? Hamımızın uşaq-muşağı var. Artıq yetər, bezdik. 50 metr irəlidə məktəb var. Burada narkotikdən istifadə edib çıxan insan, yolda keçən uşaqlarımıza da hücum edər" deyərək reaksiya verib.
Üzərlərində hər hansı bir maddəyə rast gəlinməyən gənclər ifadələri alınmaq üçün polis bölməsinə aparılıb.
