Bildiyimiz kimi, qızılgüllər həm insanlara , həm də evlərimizə xüsusi bir aura, atmosfer bəxş edir. Bəzən kiməsə bir qızlgül hədiyyə edəndə həmin insan özünü xoşbəxt hiss edir. Lakin biz hər istəyəndə o gülləri qiyməti baha olduğu üçün əldə edə bilmirik. Çox hallarda bağımız olmadığı üçün onları yetişdirmirik. Lakin bunun da bir "əməl”i, yolu tapılıb.
"Sherg.az" Fransanın "lepoint.fr"saytına istinadən xəbər verir ki, həmin əməl vasitəsilə əziyyət çəkmədən və vaxt itirmədən qızılgül yetişdirmək mümkündür. Belə ki, normal ölçüdə olan istənilən bir kartofu götürürük.
Onun ortasını ovuruq, sonra həmin dəliyə qızıl gül ağacından kəsilmiş bir pöhrəni yerləşdiririk. Daha sonra o kartofu bir qaba qoyub üstünü torpaqlayırıq.
Və sonra onun üzərinə plastik butulka keçiririk və butulkanın başını kəsirik ki, o pöhrə hava ala bilsin. Daha sonra onu suvarırıq və bir həftə ərzində həmin pöhrələr qızılgül qöncələri açır. Ətri də çox xoşagələn olur və onun təbii qızılgüldən heç bir fərqi olmur.
Tərcümə etdi: Ayyət Əhməd
