Fevralın 19-u gecə saatlarında Quba rayonunun Təngəaltı kəndi ərazisində qarlı yolda sürüşərək uçuruma düşmək təhlükəsi ilə üzləşən "Toyota” markalı minik avtomobilindəki şəxslər xilas edilib.
AZƏRTAC-ın bölgə müxbiri xəbər verir ki, köməksiz vəziyyətdə qalan Bakı şəhər sakini Aqşin Həşimov və Xırdalan şəhər sakini Amil Əliyev avtomobildən əraziyə gələn dövlət yol polisi əməkdaşları tərəfindən çıxarılıb.
Qubaya istirahət məqsədi ilə gələn hər iki şəxs hadisə nəticəsində xəsarət almayıb.
