Vaxtilə iş adamı olmuş, ailəsi tərəfindən tərk edildiyindən səfil kimi yaşayan Akif Əliyev Əmək və Əhalinin Sosial Müdafiə Nazirliyi tərəfindən yenidən xəstəxanaya yerləşdirilib.
"Sherg.az"xəbər verir ki, bu barədə sosial şəbəkə hesabında Əmək və Əhalinin Sosial Müdafiə Nazirliyinin mətbuat katibi Fazil Talıblı məlumat verib.
Nazirlik rəsmisi Akif Əliyevin səhhəti ilə maraqlanmaq üçün xəstəxanada ona baş çəkib:
"Vaxtilə iş adamı olmuş, ailəsi tərəfindən tərk edildiyindən səfil kimi yaşayan Akif Əliyevin 1 saylı Kliniki Tibbi Mərkəzdə müalicəsi uğurla davam edir. Xəstəxanada onu ziyarət etdik. Akif müəllimin ən böyük arzusu tezliklə sağalaraq övladlarına qovuşmasıdır".
Qeyd edək ki, bir neçə gün bundan əvvəl Akif Əliyev xəstəxanada müalicəyə götürülsə də ordan getmişdi.
