Şəmkirin Yuxarı Keçili kəndində 200-dək məzarın qəbir daşlarını sındıran şəxs saxlanılıb.
ONA-nın yerli bürosunun verdiyi məlumata görə, həmin şəxs 1993-cü il təvəllüdlü Nəcəfov Coşqun Sabir oğludur. Kənd icra nümayəndəliyindən onun psixi cəhətdən qüsurlu olduğu bildirilir.
14:40
Şəmkir rayonunda dəhşətli hadisə yaşanıb.
ONA-nın yerli bürosunun verdiyi məlumata görə, hadisə rayonun Yuxarı Keçili kəndində qeydə alınıb. Kənd ərazisində yerləşən qəbiristanlıqda 200-dək məzarın qəbir daşları sındırılıb.
Hadisənin kimlər tərəfindən törədildiyi hələlik məlum deyil.
Olay yerinə polis əməkdaşları cəlb olunub.
Faktla bağlı araşdırma aparılır.
