Ukrayna prezidenti Pyotr Poroşenko seçkinin 21 apreldə keçiriləcək ikinci turu üçün maraqlı reklam lövhəsi hazırlatdırıb. Seçki təbliğatı üçün hazırlanan lövhədə Poroşenko və Rusiya lideri Vladimir Putinin fotoları üz-üzə əks olunub. Fotoda Poroşenko və Putinin qarşı-qarşıya "gətirilməsi” iki dövlət arasında gərginliyə yol açıb.
"Poroşenko Zelinskini Putinin agenti olaraq göstərməyə cəhd edib”
Reklam lövhələrinin paytaxtın küçələrində yayılmasından sonra əvvəlcə Ukrayna mediasından, daha sonra isə Moskvadan sərt reaksiyalar gəlməyə başlayıb. Ölkə mətbuatı iddia edib ki, Poroşenkonun təbliğatını təşkil edən qrupun məqsədi yumorist Zelinskini Kremlin casusu olaraq təqdim etməkdir. Həmçinin, vurğulanıb ki, reklam lövhəsində Rusiya prezidenti Putinin fotolarının istifadə olunması Kreml rəhbərinin hüquqlarının tapdanmasıdır.
"Heç kim reklamın hazırlanması üçün Putindən icazə istəməyib”
Gərginliyin artmasından sonra Poroşenkonun təbliğatını aparan qrup yazılı bəyanat yayıb: "Əlbəttə, bunu edərkən Putindən icazə almamışıq. Amma bizi daha çox təəccübləndirən məqam Ukraynada Putinin haqlarını qoruyan siyasətçilərin həddindən artıq çox olmasıdır. Bunu anlamaqda çətinlik çəkirik”.
"Biz Putini qanuni səsvermə ilə seçirik. Ukraynalıların seçimini isə yaxın günlərdə görəcəyik”
Məsələyə Rusiya tərəfindən də açıqlama verilib. Prezident Vladimir Putinin mətbuat xidmətinin rəhbəri Dmitri Peskov Ukraynada yaşanan prosesləri diqqətlə izlədiklərini bəyan edib: "Bilirsiz, biz Putini xalqın iradəsi əsasında, qanuni səsvermə yolu ilə seçirik. Ukraynalılara gəlincə isə, onların seçimi necə başa vurduqlarını yaxın günlərdə görəcəyik”.
İsmayıl
