Maraqlıdır, Türkiyə kütləvi həbslərlə terrorun qarşısını ala biləcək, yoxsa alternativ mübarizə yollarından istifadə etməlidir. Politoloq Qabil Hüseynlinin sözlərinə görə, bu və ya digər formada terrorun iştirakçısı olan hər kəs mütləq həbs olunmalıdır:
"Həbs profilaktikanın ilkin formalarından biridir. Amma terrora qarşı mübarizədə Türkiyənin atmalı olduğu əsas addım sərhədləri nəzarətdə saxlamaqdır. Sərhəd bağlanmasa, kütləvi həbslər artdıqca, terrorçular yenə də ölkə daxilinə sızacaqlar”. Q.Hüseynlinin sözlərinə görə, terrorun qarşısını almaq üçün daxili kəşfiyyat orqanları ciddi rejimdə işləməli, əhali isə ayıq-sayıqlığını artırmalıdır. Şübhəli şəxslə rastlaşan hər kəs polisi məlumatlandırmalıdır ki, çox gec olmadan terror aktlarına qarşı qabaqcıl addımlar atılsın: "Amma çox təəssüflər olsun ki, son illərdə Türkiyə kəşfiyyatının işi müəyyən qədər zəifləyib deyə terrorçuların zərərsizləşdirilməsi çətinləşib. Hesab edirəm ki, qardaş ölkənin hüquq-mühafizə orqanları terrorçulara qarşı amansız olmalıdır. Terror törədənlər və onların arxasında duranlar aşkarlanmalı və onlara sərt cəza tədbirləri görülməlidir”. HDP-li millət vəkillərinin həbs edilməsinin tamamilə qanunauyğun olduğunu vurğulayan politoloq ümumilikdə partiyanın tamamilə bağlanmasını daha məqsədəuyğun hesab edir. Ölkədə separatizmi və türklərə qarşı nifrət ideologiyasını açıq-aydın müdafiə edən bir partiyanın fəaliyyət göstərməsi kifayət qədər təhlükəli tendensiyadır. Odur ki, PKK-ya Türkiyədə yardım edənlərə və onları istiqamətləndirənlərə qarşı ciddi mübarizə aparmaq lazımdır. İndiki halda PKK terrorçularına qarşı mübarizəni qənaətbəxş hesab etmirəm”.
Şəymən
