"Ermənistanın baş naziri Nikol Paşinyan Azərbaycan Prezideti İlham Əliyevlə Vyanda görüşdükdən sonra yenə də riyakar, məkirli siyasətini davam etdirir”.
Bu barədə "Sherg.az”a siyasi elmlər namizədi, politoloq Cümşüd Nuriyev bildirib.
O qeyd edib ki, ATƏT-in Minsk qrupu da ikiüzlü siyasət yürüdərək işğala məruz qalanla işğal edəni eyni statusda görür:
"Burada hansı noramal mühitdən danışmaq olar ? Bu növbəti bir görüş idi. Bu görüşdə Qərb və eləcə də bütün dünya küçədən gələn Paşinyanın dağlıq Qarabağ münaqişəsinin həllinə dair mövqeyini gördü. Yəni əslində dünya bu münaqişənin həllini hansı dövlətin istəmədiyinin şahidi oldu.
Mənə elə gəlir ki, Azərbaycanb parlamenti ATƏT-lə bağlı öz mövqeyini ortaya qoymalıdır. Azərbaycan formatın dəyişməsini tələb etməlidir. Paşinyan yenə də nala-mıxa vurur.
Qondarma rejimin danışıqlarda tərəf kimi iştirakını gündəmə gətirir. Paşinyan öz oğlunu işğal etdikləri Azərbaycan torpaqlarına hərbi xidmətə göndərir. ATƏT bunu görmür? Bu, beynəlxalq hüququq ziddir. Sonda deyim ki, Vyana görüşü diplomatik zərurət idi, ancaq nəticəsi olacağına inanmıram”.
Ayyət Əhməd
