"Azərbaycan və Ermənistan rəhbərlərinin Vyana görüşündən dərhal sonra Paşinyanın Putinlə əlaqə yaratması bizim üçün gözlənilməz deyil”.
Bunu "Sherg.az”a açıqlamasında politoloq, Vəhdət Partiyasının sədr müavini Vasif Əfəndiyev deyib.
Siyasi şərhçinin sözlərinə görə, əksinə Paşinyan Putinlə əlaqə yaratmasaydı, o zaman bu gediş sensasiya olardı və barəsində ciddi düşünməyə dəyərdi:
"İndiyə qədər baş tutmuş bütün danışıqlar öncəsi və sonrası Ermənistan rəhbərləri bir qayda olaraq Rusiyaya hesab veriblər. Özü də bunu ictimaiyyətdən gizli saxlamayıblar.
İlk növbədə bu ənənə Ermənistanın müstəqil dövlət olmadığı və heç bir taleyüklü məsələlərdə müstəqil qərar vermək səlahiyyətində olmadığına sübutdur. Görüş ərəfəsində inamsız və narahat görünən Paşinyan daha sonra sahibindən aldığı təlimatdan ruhlanaraq Müdafiə nazirinin Azərbaycana qarşı səsləndirdiyi "yeni ərazilər işğal edəcəkləri” barədə bəyanatına dəstək verdi”.
Analitikin sözlərinə görə, Putinin Paşinyana hansı tövsiyəni verməsi danışıqlar zamanı erməni tərəfinin verdiyi təkliflərdən aydın görünür:
"Danışıqlar öncəsi Paşinyan separatçı rejimin nümayəndələrinin danışıqlarda iştirakını tələbi də məhz Putinin tövsiyyələrindən biridir. Lakin ATƏT və problemin həllində maraqlı olan ABŞ və Almaniya qəti olaraq indiyə qədər qəbul olunmuş prinsiplərdən kənar təklifləri rədd etdilər. Bu gediş nəticə vermədiyindən növbəti təxribat xarakterli tövsiyyə də çox çəkməz üzə çıxar”.
İsmayıl
