Gürcüstanda hakimiyyət istəyinə nail oldu
Yusif Nəzərli
07:22 17.11.2021
Siyasət
953
Artıq Saakaşvili sərbəst buraxıla, mülki xəstəxanaya yerləşdirilə bilər
Tbilisi Şəhər Məhkəməsində Gürcüstanın eks-prezidenti Mixeil Saakaşvilinin ölkə sərhədini qanunsuz keçməsi ilə bağlı cinayət işi üzrə məhkəmə prosesi keçirilir. Siyasətçiyə müvafiq ittiham bir ay bundan öncə irəli sürülüb. Sabiq dövlət başçısı və onun vəkillərinin tələbinə baxmayaraq, M.Saakaşvili məhkəmə iclasına gətirilməyib.
Bu artıq siyasətçinin iştirakı olmadan Tbilisi Şəhər Məhkəməsində keçirilən üçüncü prosesdir. Gürcüstanın Penitensiar Xidmətindən bildirilib ki, məhkumun məhkəməyə aparılması müəyyən risklər doğurur və kütləvi iğtişaşlar yarada bilər. Xatırladaq ki, M.Saakaşvili bu il sentyabrın 28-də Gürcüstana qeyri-qanuni yolla daxil olub və oktyabrın 1-də Tbilisidə saxlanılıb. Onun ölkəyə gizli yolla gəlməsi ilə bağlı 4 nəfər saxlanılıb. Gürcüstanın üçüncü prezidenti vətənində iki cinayət işi üzrə qiyabi olaraq 6 il müddətinə azadlıqdan məhrum edilib, daha üç iş isə baxılma mərhələsindədir.
Məsələyə münasibət bildirən siyasi-şərhçi Turab Rzayev “Şərq“ə açıqlamasında bildirib ki, Gürcüstanda artıq müxalifətlə iqtidar arasında münasibətlər daha da gərginləşəcək. Analitik hesab edir ki, artıq dövlət istəyinə nail olub: “Ola bilsin ki, yaxın müddətdə Mixeil Saakaşvili sərbəst buraxılsın. Çünki hökumətin əsas istəyi seçkilərin birinci və ikinci turunda qələbəni əldə etmək, M.Saakaşvilinin və tərəfdarlarının buna mane olmaması idi. Artıq seçkilər başa çatdığına və ikinci turu təsdiqlədiklərinə görə, düşünürəm ki, onlar "Mişa"dan indi daha az ehtiyat edərlər. Çünki artıq Saakaşvilinin Gürcüstanda əhalini küçəyə çıxarması və mitinqlərin keçirilməsi seçkinin nəticəsinə təsir etməyəcəyək. Artıq seçkilər elan olunub. Ona görə də xarici və ictimai basqı da olsa Saakaşvilini azad edə bilərlər. Əks halda Saakaşvilinin həbsxanada sağlığı pisləşib, vəfat edə bilər”.
T.Rzayev əlavə edib ki, Saakaşvilinin həyatını itirməsi nəticəsində Gürcüstanda qarışıqlıq yarana bilər: “Qərb ölkələri, xüsusilə də Amerika Birləşmiş Ştatları Gürcüstana çox təzyiq göstərə bilər. Bunun qarşısını almaq üçün Gürcüstan rəhbərliyi artıq Saakaşvili ilə bağlı şərtləri yumşaltmalıdır. Bundan qabaq Saakaşvilinin atası, keçmiş və indiki həyat yoldaşı bəyanat vermişdi. Artıq bu, Gürcüstanda getdikcə qaynar bir qazana bənzəyə bilər və hadisələr cızığından çıxa bilər. Ona görə də ola bilsin ki, hökumət yaxın vaxtlarda Saakaşvilini həbsxanadan çıxarmasına və normal xəstəxanaya aparılmasına razılıq verdi. Əks halda düşünürəm ki, Saakaşvilinin həyatını itirməsi Gürcüstanda çox böyük daxili çaxnaşmalara və Gürcüstanın qərb cəmiyyətinin izolyasiyasına gətirib çıxara bilər”.
Oxşar xəbərlər
Xəbər lenti
Hamısına bax
Naftalanda 3 məktəblini maşın vurub - YENİLƏNİB
22:54 20.11.2026
Hadisə
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya