“Yurda dönüş borcumuzdur: gənclər arasında təbliğat işinin təşkili” layihəsinə yekun vuruldu
Yusif Nəzərli
16:29 14.12.2021
Cəmiyyət
872
“Qayıdış və Dirçəliş Naminə Gənclər Təşkilatı” ictimai birliyi Azərbaycan Respublikası Gənclər Fondunun maliyyə dəstəyi ilə həyata keçirdiyi “Yurda dönüş borcumuzdur: gənclər arasında təbliğat işinin təşkili” layihəsinə yekun vurdu. Layihə çərçivəsində Binəqədi rayonu Gənclər Evində və Azərbaycan Dillər Universitetində 700 (yeddi yüz) nəfərdən artıq işğaldan azad olunmuş rayonlarımızdan olan tələbələrlə 6 (altı) seminar – görüş keçirildi.
Tədbirlər şəhidlərimizin ruhunun 1 dəqiqəlik sükutla yad edilməsi ilə açıq elan edildi.
Bütün tədbirlərdə giriş nitqi ilə çıxış edən “Qayıdış və Dirçəliş Naminə Gənclər Təşkilatı” ictimai birliyinin sədri, layihənin koordinatoru Vüqar Qədirov həyata keçirilən layihənin maliyyələşməsinə dəstək göstərdiyinə görə Azərbaycan Gənclər Fonduna təşəkkürünü bildirdi.
V.Qədirov çıxışında 30 ilə yaxın müddət ərzində Azərbaycan torpaqlarını işğal altında saxlayan Ermənistanın 44 gün davam edən Vətən Müharibəsində darmadağın edilməsini və kapituliyasiya aktını imzalamaqla təslimçi sülhə qol çəkməsini Azərbaycan Respublikasının Prezidenti Müzəffər Ali Baş Komandanımız Möhtərəm cənab İlham Əliyevin və Rəşadətli Ordumuzun vətənpərvərliyi, cəsarəti, peşəkarlığı sayəsində mümkün olduğunu bildirdi.
Natiq bu qələbə sayəsində Azərbaycanda məcburi köçkün probleminə birdəfəlik son qoyulduğunu, Böyük Qayıdışın reallaşmasında bütün maneələrin aradan qaldırıldığını bildirdi.
30 ilə yaxın müddət ərzində ölkəmizin müxtəlif bölgələrində məcburi köçkün kimi doğulub boya-başa çatan böyük bir gənc nəslin formalaşdığını bildirən V.Qədirov işğaldan azad olunmuş torpaqlarımıza qayıdış prosesinin təmin olunmasında bu təbəqədən olan gənclər arasında təbliğat işinin aparılmasının vacib olduğunu bildirdi.
Seminarlarda çıxış edən ekspertlər, qonaqlar və tələbələr layihənin ictimai əhəmiyyətindən danışaraq işğaldan azad olunmuş rayonlarımıza gənc nəslin qayıdışı prosesinin əsl vətənpərvərlik, vətəndaşlıq mövqeyi və vəzifəsi olduğunu bildirdilər.
Ermənistanın 30 ilə yaxın müddət ərzində işğal altında saxladığı torpaqlarımızda vandalizm hərəkətləri törətməklə tarix və mədəniyyət abidələrimizi, yaşayış məskənlərimizi yer üzündən silməklə Xocalı soyqırımı kimi bəşəri bir cinayətə imza atdığını, 1 milyondan artıq soydaşlarımızın ağır şərtlər altında məcburi köçkün taleyi yaşamağa məhkum edilməsini ermənilərin vəhşi və terrorçu mahiyyətinin açıq aşkar nümayişi olduğunu bildirdilər.
Natiqlər Azərbaycanın işğal olunmuş ərazilərində qeyri-qanuni məskunlaşdırma siyasəti aparmaqla Azərbaycanın qədim və tarixi torpaqlarını ilhaq etməyə çalışan ermənistanın 44 gün davam edən Vətən Müharibəsində bütün məkrli niyyətlərinin və xəyallarının ordusu ilə bərabər darmadağın edilməsini tarixi ədalətin təntənəsi olduğunu qeyd etdilər. Bu günkü Azərbaycan gəncliyinin vətənpərvər və qalib gənclər olduğunu, 44 gün davam edən Vətən Müharibəsində bunu sübut etdiyini bildirdilər. İşğaldan azad olunan torpaqlara qayıdış prosesində də gənclərimizin öndə gedəcəyini, dədə-baba yurdumuzun dirçəldilməsində yaxından iştirak edəcəklərinə əminliklərini qeyd etdilər. Möhtərəm Prezidentimiz cənab İlham Əliyevin birbaşa rəhbərliyi altında işğaldan azad olunan torpaqlarımızda geniş miqyaslı tikinti-quruculuq işlərinin aparıldığını, qısa müddətdə Zəfər yolunun, Füzuli Hava Limanının, Zəngilan rayonunda Ağalı-ağıllı kənd yaşayış massivinin istifadəyə verildiyini, Zəngilan və Laçın rayonlarında Hava limanlarının və s. digər böyük infrastruktur layihələrinin davam etdiyini bildirdilər.
Tədbirdə iştirak edən gənclər əminliklə öz dədə-baba torpaqlarının dirçəldilməsində yaxından iştirak edəcəklərini və könüllü olaraq gənclər arasında maarifləndirmə və təbliğat işinin aparılmasında fəal iştirak edəcəklərini qeyd etdilər.
Həyata keçirilən layihənin icrası zamanı iştirakçılara, istər 1-ci, istərsə də 2-ci Qarabağ savaşını əks etdirən maarifləndirici bukletlər və s. paylanıldı.
Oxşar xəbərlər
Xəbər lenti
Hamısına bax
Fransa: Əsgərlərimiz zaman-zaman Ukraynada olub
10:59 20.11.2026
Gündəm
“Yuventus” Makkenninin transferinə icazə vermədi
10:56 20.11.2026
Futbol
Rektor qəzaya düşdü, akademik həyat yoldaşı ölüb
10:16 20.11.2026
Hadisə
Tramp tarixi üçtərəfli sammiti dəyərləndirdi: 10 üzərindən 12 bal
10:02 20.11.2026
Dünya
ABŞ Senatından Trampa İrana hücum dəstəyi gəldi
09:58 20.11.2026
Gündəm
Mossad rəhbəri ABŞ-ı İrana zərbələri bərpa etməyə çağırıb
09:57 20.11.2026
Dünya
Agentliyə yeni şöbə müdiri təyin olunub
09:36 20.11.2026
Elm və Təhsil
Bakıda gənc oğlan dostu tərəfindən bıçaqlandı
09:28 20.11.2026
Hadisə
QHT-lər üçün qrant müsabiqələri elan olundu - ŞƏRTLƏR
09:19 20.11.2026
Sosial
Bakının bir sıra yollarında tıxac yaranıb
08:57 20.11.2026
İnfrastruktur
Noyabrın 20-si üç BÜRC üçün xüsusi gün olacaq
08:48 20.11.2026
Sosial
Xərçəngə səbəb olan qidalar - Siyahı yeniləndi
08:20 20.11.2026
Sağlamlıq
Karles Puyola vəzifə verildi
07:51 20.11.2026
Futbol
Bella yeni sevgilisi ilə xoşbəxt görünür
05:25 20.11.2026
Şou