"105 illik bir dövrdə Azərbaycan səhiyyəsi çox şərəfli və çətin bir dövr keçib".
APA xəbər verir ki, bunu səhiyyə naziri Teymur Musayev Dünyadakı Azərbaycanlı Təbiblərin Simpoziumunun açılış mərasimində deyib.
O bildirib ki, müstəqillik dövründə 700-dən çox tibbi müəssəsi yenidən tikilib və əsaslı təmir edilib.
"Son illər ərzində vərəmlə xəstələnmənin dinamikasında müsbət dəyişiklik qeyd alınıb. Əgər əvvəllər vərəmlə xəstələnmə üzrə göstərici hər 100 min nəfərə 43,7 idisə, hazırda bu rəqəm 25,3-dək azalıb".
Nazir əlavə edib ki, görülən işlər nəticəsində sağlamlıq göstəricilərinə görə ölkəmizin beynəlxalq reytinqdə mövqeyi yaxşılaşıb.
