ABŞ Rusiyaya qarşı sanksiyaları mümkün qədər tez və tam şəkildə tətbiq etməlidir.
Teleqraf xəbər verir ki, bunu Finlandiyanın Baş naziri Petteri Orpo deyib.
O bildirib ki, bu addım Moskvanı sülh danışıqlarına təşviq edə biləcək
“Ümid edirəm ki, ABŞ bu qərarı ən qısa zamanda verəcək və sanksiyalar tam həcmdə tətbiq olunacaq. Biz artıq bir həll tapmalıyıq”.
Onun sözlərinə görə, yeni məhdudiyyətlərin tətbiqi Rusiyanı danışıqlar masasına əyləşməyə vadar edə bilər. Orpo əlavə edib ki, Avropa İttifaqı bu prosesə dəstək vermək üçün əlindən gələni edəcək.
Qeyd edək ki, bundan əvvəl ABŞ prezidenti Donald Tramp Rusiyaya qarşı yeni sanksiyalar nəzərdə tutan qanun layihəsinin Konqresdə baxılmasının təxirə salınmasını xahiş etmişdi. Həmin sənəddə Rusiyadan neft və digər faydalı qazıntılar alan ölkələrə qarşı 500 faizədək idxal rüsumlarının tətbiqi nəzərdə tutulur.
