“Bu gün səhər Ermənistan hərbi qüvvələri bir neçə istiqamətdən müxtəlif növ silahlardan, o cümlədən ağır artilleriyadan istifadə edərək bizim yaşayış məntəqələrimizi, eyni zamanda hərbi mövqelərimizi atəşə tutub”.
"Sherg.az"ın məlumatına görə, bunu bu gün Azərbaycan xalqına müraciətində Prezident İlham Əliyev bildirib.
Dövlət başçısı deyib ki, düşmən atəşi nəticəsində mülki əhali və hərbçilərimiz arasında itkilər, yaralananlar var: “Allah şəhidlərimizə rəhmət etsin. Onların qanı yerdə qalmayacaq”.
