Rusiya sülhməramlı qüvvələrinin komandanı general-leytenant Rüstəm Muradov Bakı ilə İrəvan arasında əsir düşmüş şəxslərin mübadiləsi barədə məlumat verib.
Xəbəri “RİA Novosti” agentliyi yayıb.
“Bu gün növbəti dəfə əsirlərin mübadiləsi həyata keçirildi. Rusiya sülhməramlı qüvvələrinin nəzarəti altında Rusiya Aerokosmik Qüvvələrinin təyyarəsində iki azərbaycanlı hərbi əsir Azərbaycana qaytarılıb, Erebuniyə isə dörd erməni hərbi əsir göndərilib”, deyə Rüstəm Muradov qeyd edib.
R.Muradov əlavə edib ki, Rusiyalı sülhməramlıları üçtərəfli razılaşmanın icrasına töhfə verməyə davam edəcəklər.
