“Əmək kitabçaları ləğv edilmir, sadəcə bunun işə götürənlər tərəfindən tələb olunması ləğv edilir”.
Oxu.Az-ın məlumatına görə, bunu Vətən müharibəsi qazilərinin məşğulluğunun təmin edilməsi, onlara göstərilən sosial dəstəklə bağlı Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin sədri Mustafa Abbasbəyli keçirdiyi mətbuat konfransında bildirib.
Onun sözlərinə görə, əmək kitabçaları elektronlaşdırılır:
“Əmək kitabçalarının elektronlaşdırılması kompleks məsələdir. Düşünürük ki, bu ilin sonuna və ya gələn ilin əvvəlinə bunu bitirəcəyik. Biz bunun üçün əlavə dövlət xidməti yaradırıq. Artıq 2006-ci ildən əvvəlki dövrlərdəki iş stajı da elektron sistemə əlavə ediləcək”.
