Ermənistanda may ayında polislərə mükafat qismində 6,5 milyon dollar vəsait paylanılıb.
Oxu.Az-ın məlumatına görə, bu barədə erməni deputat Artur Kazinyan sosial şəbəkə hesabında yazıb.
Müxalif deputatın sözlərinə görə, eyni ay ərzində müəllimlər və tibb işçiləri üçün heç bir mükafat ödənişi həyata keçirilməyib.
Qeyd edək ki, Nikol Paşinyan hökuməti ilk vaxtlar sərt müdaxilədən qaçsa da, son dövrlərdə müxalifətə qarşı güc tətbiq etməkdən çəkinmir.
