Xocalı soyqırımının şahidlərindən olan ukraynalı pilot Leonid Kravets dünyasını dəyişib.
“Report”un məlumatına görə, bu barədə Ukrayna Azərbaycanlıları Birləşmiş Diasporunun sədri Hikmət Cavadov feysbuk hesabında yazıb.
“Bir saat öncə çox ağır və üzücü xəbər aldım. Əziz dostum Leonid Kraveç uzun sürən xəstəlikdən sonra gözlərini əbədi olaraq yumdu.
Xocalı qətliamının dəhşətlərinin Azərbaycan tərəfindən video lentə alınmasında, Xocalıdan mülki əhalinin təxliyə olunmasında müstəsna rolu olan qəhrəman pilot - Leonid Kraveçin Qarabağ həqiqətlərinin dünyaya yayılmasında böyük rolu oldu və buna görə də biz hər zaman Leonid Markoviçə minnətdar olacayıq”, - o yazıb.
