Putin Paşinyana təlimatlar verəcək
Yusif Nəzərli
06:46 12.10.2021
Aktual
426
Rusiya vasitəçilik məsələsində Qərbin aktivliyinin qarşısını almaq məqsədi güdür
"Proseslər göstərir ki, Prezident İlham Əliyevlə Nikol Paşinyanın görüşü labüddür. Belə olan təqdirdə Rusiya da öhdəliklərinin icrasına məcbur olacaq"
Bu gün Moskvada Rusiya Prezidenti Vladimir Putin və Ermənistanın Baş naziri Nikol Paşinyan arasında görüş keçiriləcək. Bu barədə Kremlin mətbuat xidməti məlumat yayıb. Deyilənə görə, danışıqlarda üçtərəfli bəyanatların icrası müzakirə olunacaq. Eləcə də regionda sabitliyin möhkəmləndirilməsi və iqtisadi əlaqələrin qurulması istiqamətində atılacaq addımların nəzərdən keçirilməsi planlaşdırılır. Həmçinin, ikitərəfli əlaqələrdə aktual məsələlərin də müzakirə predmeti olacağı bildirilir.
Görüşlə bağlı fikirlərini “Şərq”ə dəyərləndirən Milli Cəbhə Partiyasının sədr muavini, politoloq Məhəmməd Əsədullazadə deyib ki, Rusiya Prezidenti Vladimir Putin Ermənistan Baş naziri Nikol Paşinyanı Moskvaya dəvət edərək ona yeni təlimatlarını verəcək. Ekspertin sözlərinə görə, Azərbaycan Prezidenti ilə erməni baş nazir arasında gözlənilən görüş öncəsi Putinin Paşinyanı Moskvaya çağırması Kremlin müəyyən narahatlığından xəbər verir:
“Gürcüstan ABŞ və Avropanın dəstəyi ilə Azərbaycan-Ermənistan arasında vasitəçilik etmək, liderlərin görüşünü keçirmək istəyir. Bununla bağlı razılıq əldə olunduğu deyilir. Moskva öz iradəsindən kənar Bakı və İrəvan arasında birbaşa təması və Gürcüstanın vasitəçiliyini qəbul etmir. Ona görə də çalışır ki, Qərbin vasitəçiliyi ilə hansısa təmaslar baş tutmasın. Paşinyanla Putinin görüşündən əvvəl Ermənistanın Müdafiə naziri Arşakyanın Moskvaya səfəri diqqət çəkir. Tərəflər arasında silah sövdələşməsinin olacağını istisna etmirəm. Rusiya Ermənistana silah-sursat verməklə öz orbitində saxlamağa çalışır. Buna baxmayaraq, erməni baş nazir Azərbaycanla ikitərəfli siyasi əlaqələrin qurulmasında maraqlıdır”.
M.Əsədullazadəyə görə, Rusiya vasitəçilik məsələsində Qərbin aktivliyinin qarşısını almaq məqsədi güdür:
“Əslində, Azərbaycan tərəfi Rusiyanın öz öhdəliklərinə sadiq olmasına nail olmaq üçün Qərbin vasitəçilyi ilə təmaslara gedir. Əgər Rusiya aktivləşməsə, Zəngəzur dəhlizi və 10 noyabr razılaşmalarının həyata keçirilməsini reallaşdırmasa, Qərbin göstərişi ilə Gürcüstan prosesdə akivləşəcək. Bu da Rusiyanın imicinə zərbədir. Proseslər göstərir ki, Prezident İlham Əliyevlə Nikol Paşinyanın görüşü labüddür. Belə olan təqdirdə Rusiya da öhdəliklərinin icrasına məcbur olacaq”.
Oxşar xəbərlər
Xəbər lenti
Hamısına bax
Mübariz Əhmədoglu təcili üzr istəməlidir - Kamran Ramazanlı
20:21 21.11.2026
Cəmiyyət
Çinli gənc milyarder sərvətinin 90 faizini itirdi
19:55 21.11.2026
Dünya
“Qalatasaray” “Samsunspor”u məğlub edərək yeni rekorda imza atıb
19:23 21.11.2026
Futbol
Türkiyədə zəncirvari qəza: 14 nəfər yaralandı
19:03 21.11.2026
Hadisə
Aktrisa boşandığı həyat yoldaşı ilə yenidən bir arada - FOTO
18:51 21.11.2026
Şou
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol