BMT Qara dəniz taxıl təşəbbüsünün gələcəkdə bərpasına ümidini itirmir və bu istiqamətdə işləyir.
"Report"un məlumatına görə, bunu BMT baş katibinin sözçüsünün müavini Fərhan Haq jurnalistlər üçün keçirdiyi növbəti brifinqdə deyib.
"Biz təslim olmuruq. Bunu davam etdirmək üçün nə lazım olduğunu anlamaq üçün tərəflərlə iş aparırıq", - F.Haq bildirib.
O, sazişin təkcə diplomatiya baxımından deyil, eləcə də dünyada ərzaq qiymətlərinin aşağı salınması baxımından mühüm əhəmiyyət daşıdığını vurğulayıb: “Bu, bütün dünyada insanların rifahına mühüm töhfədir”.
BMT sözçüsü Qara dəniz taxıl təşəbbüsünü qısamüddətli, lakin uğurlu olduğunu əlavə edib.
