İsrailin baş naziri Benyamin Netanyahu Rusiya prezidenti Vladimir Putinlə telefonla danışmaq üçün hökumətin iclasını yarımçıq tərk edib.
APA-nın “The Times of Israel”ə istinadən verdiyi məlumata görə, siyasətçilər arasında söhbət 50 dəqiqəyə yaxın davam edib.
"Baş nazir BMT və digər forumlarda Rusiya nümayəndələrinin anti-İsrail mövqeyindən narazılığını ifadə edib", - İsrail Baş Nazirinin Ofisi bildirib. Netanyahu həmçinin “Rusiya və İran arasında təhlükəli əməkdaşlığa kəskin tənqidi münasibət bildirib”.
Eyni zamanda o, HƏMAS tərəfindən girov götürülən Rusiya və İsrail vətəndaşı Roni Krivoyun azad edilməsi üçün göstərdiyi səylərə görə Moskvaya təşəkkür edib (o, noyabrın sonunda “Putinə jest olaraq” azad edilib).
