“Nikol Paşinyanın siyasi opponentləri bu gün Bakıda həbsdədirlər”.
Globalinfo.az xəbər verir ki, bunu Ermənistan parlamentinin “Hayastan” fraksiyasının deputatı Artur Xaçatryan deyib.
“Araik Arutyunyanı “artsax”da heç kim istefaya məcbur etməmişdi. Daha sonra gələn Samvel Şahramanyan da onun partiyasının üzvü idi, böyük fraksiyaları vardı. Araikin necə getdiyi ilə bağlı detallar bir gün üzə çıxacaq. O bu gün Bakıda həbsdədir və indiki Ermənistan hakimiyyəti ilə bağlı çox şeyi bilir. Hakimiyyətdəkilərin eşitmək istədiyindən də çox məlumata sahibdir. Bu, həmçinin Azərbaycanda olan digər keçmiş “prezidenlər”ə də aiddir”, – A.Xaçatryan bildirib.
