
Kor olacaq, belləri əyiləcək - Telefon "xəstəliyi"
22:15 01.08.2024
Sosial
702
Valideynlərin əksəriyyəti mobil telefonlarla uşaqlarını bədbəxt edirlər
“Bu, çox pis, düzəldilməsi mümkün olmayacaq vəziyyət yaradacaq, sonra başlarına, dizlərinə döyəcəklər, gec olacaq”
“Uşağa telefon verməyin, fikir verirsizsə, oradakı personajları təkrar edirlər. Davranışı, hərəkətləri, jestləri, qışqırığı və s. Ona görə çox əsəbi və aqressivdirlər”.
Bu sözləri “Sherg.az"a açıqlamasında pediatr Vaqif Qarayev deyib. Həkimin sözlərinə görə, valideynlər uşaqlara qadağa qoya bilmədiklərini, smartfonlardan uzaq tuta bilmədiklərini deyirlər:

“Lakin mümkündür! Smart telefonları yığışdırın, özünüz də evdə düyməli telefondan istifadə edin. Bir azdan unudacaq, əsəbi də düzələcək! Valideynlər isə telefonu dəyişmək istəmir, uşağa kimyəvi sakitləşdiricilər tələb edirlər”.
Uşaqların telefon asılılığı ilə bağlı narahatlıqlarını bölüşən pediatr deyib ki, telefon, internet asılılığı uşaqların, yeniyetmələrin gələcək sağlam həyatına böyük təhdiddir: “Məktəblilərin çoxu eynək taxır. Görmə zəifliyi yaranır uşaqlarda. Bu da mobil telefona, planşetlərə çox baxmağın nəticəsidir. Onsuz da internet əsridir. Uşaqlar məktəbdə internetlə, kompüter bilikləri ilə məşğuldur. Dərsləri kitabdan yox, internetdən öyrənirlər. Valideynlər bütün günü vatsap qrupunda yazışır. Müəllimlərlə vatsap vasitəsilə əlaqə saxlayırlar. Başa düşürük, zaman yetmir. Yaxşı, bəs evdə mobil telefondan asılı qalmaq nə üçündür? Evdə bunun müddətini azaltmaq olar axı. Məktəbdən qayıdan şagirdə nəqliyyatda niyə smartfon uzadılmalıdır? Onsuz da bu uşaq yorulub məktəbdə. Bir də üstəlik ana, nənə uşağa mobil telefon verir ki, al, başını qat! Belə olmaz. Bu, çox pis, düzəldilməsi mümkün olmayacaq vəziyyət yaradacaq, sonra başlarına, dizlərinə döyəcəklər, gec olacaq. Böyük adamdılar, başa düşmürlər ki, bütün günü mobil telefona baxmaq, hər nə var izləmək, orqanizmi uçuruma aparır. Cavan uşaqlar görürəm, ikiqat olub telefonda nəyəsə baxırlar. Yekə kişilər telefonda “iqra” oynayır. Dəhşətdi bu. İnsanlar özləri üçün məşğuliyyət tapa bilmirlər. Kitab oxumurlar, sakit, həzin mahnılara qulaq asmırlar. Beyin dincəlmir, əsəblər sakitləşmir. Sonra da deyirik ki, niyə cəmiyyətdə qəddarlıq, aqressiya artıb. Artacaq, əlbəttə.
V.Qarayevin fikrincə, uşaq üçün alternativlər tapmaq lazımdı yaş həddinə uyğun olaraq: “Tapan analar var, şeir, nağıl, rəsm, musiqi və s. ilə məşğul edirlər uşaqlarını. Amma əksər analar özləri telefona yapışdığına görə uşaq da telefonda “oturur”. Bir tərəfdən təhsil sistemini yıxıb-sürüyürük ki, məktəbli çantaları ağırdır, uşaqların beli, onurğa sütunu əyilir, bir tərəfdən də valideyn mobil telefonu verir uşağın əlinə, bədbəxt edir onu. Gözləri görmür uşaqların, belləri əyilir, beyinləri yüklənir. Qan dövranı buna görə pozulur. Uşaq yeməyə meyilli olmur, iştahı “qaçır”. Normal qidalanmır, normal da böyümür. Başa düşürük, valideyn deyir, övladından narahatdır, bilməlidir məktəbdən evə gəlib, haradadır. Bunu anladıq. Bəs avtobusda, metroda niyə mobil telefonu verirlər uşağa, evdə niyə uşağı ondan ayıra bimirlər? Cəhd etmirlər. Bəzi valideynlər üçün belə daha rahatdır, uşaq məşğuldur, o da özüylə məşğuldur”.
Oxşar xəbərlər
Xəbər lenti
Hamısına bax
Rusiya xəbərdarlıq etdi: Onlar məhv ediləcək!
21:24 17.11.2026
Aktual
Salyanda avtomobil 89 yaşlı piyadanı vuraraq öldürüb
21:12 17.11.2026
Hadisə
Britaniya Ukraynaya mindən çox raket verəcək
21:00 17.11.2026
Dünya
Parisdə keçirilən mitinqdə 28 min insan iştirak edib
20:37 17.11.2026
Dünya
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə