Ağ Evdən bildiriblər ki, Prezident Donald Trampın fəaliyyətini işıqlandıran mətbuat cameəsinə hansı media təşkilatlarının və müxbirlərin buraxılmasına şəxsən Tramp özü nəzarət edəcək. Ağ Evin mətbuat katibi Karolin Leavit brifinqdə deyib ki, administrasiya Hərbi Hava Qüvvələri kimi xüsusi bölgələrə hansı müxbirlərin girəcəyini müəyyən edəcək.
Sherg.az xəbər verir ki, Ağ Ev Müxbirləri Assosiasiyası bu qərara reaksiya verərək, ABŞ-də azad mətbuatın müstəqilliyinə zərbə vurulduğunu bildiriblər.
Media təmsilçilərinin müstəqil birliyi olan Ağ Ev Müxbirləri Assosiasiyası 10-dan çox müxbirin Prezidentin fəaliyyətini yaxından işıqlandırmasını təmin edir. Karolin Leavit Ağ Ev Müxbirləri Assosiasiyasının administrasiyada "monopoliyaya sahib olmamalı olduğunu" deyib.
Bu qərar ABŞ hökumətinin "Associated Press" (AP) Xəbər Agentliyinin Trampın Meksika körfəzinin adının “Amerika Körfəzi” olaraq dəyişdirilməsi tələbinə müqavimət göstərməsindən bir gün sonraya təsadüf edib. Keçən ay Trampın Meksika Körfəzinin adının dəyişdirilməsi ilə bağlı sərəncamından sonra AP, öz hesabatlarında körfəzin uzun müddətdir mövcud olan adından istifadə etməyə davam edəcəyini bildirmişdi. Ağ Ev isə Xəbər Agentliyini “məsuliyyətsiz və vicdansız xəbər verməkdə” ittiham edərək, həssas bölgələrə girişini qadağan etmişdi.
Xəbər Agentliyi iddia edib ki, Konstitusiya hökumətin azad sözə məhdudiyyət yaratmaq cəhdinin qarşısını alır. Ağ Ev isə öz qərarı ilə qanunvericiliyi pozur: "Bu qərar “ABŞ-də azad mətbuatın müstəqilliyinə xələl gətirir".
