Avropa İttifaqı “Azadlıq” radiosunu maliyyələşdirmək qərarı verib.
Teleqraf xəbər verir ki, bu barədə Aİ rəsmisi Kaya Kallas mətbuat konfransında deyib.
Kallas qeyd edib ki, Aİ “Azadlıq” radiosunun qonşu regionlarda, Qafqaz və Mərkəzi Asiyada yayımını dəstəkləmək üçün büdcədən 5,5 milyon avro ayıracaq.
"Bu, qısamüddətli maliyyələşdirmədir, indi Aİ ölkələri uzunmüddətli maliyyələşdirmə ilə bağlı öz aralarında razılaşma tapmalıdırlar", - Kallas əlavə edib.
