Türkiyə bundan sonra da həmişə Azərbaycanın yanında olacaq.
Teleqraf xəbər verir ki, bunu Türkiyə xarici işlər naziri Hakan Fidan Türk Dövlətləri Təşkilatının (TDT) Macarıstanda keçirilən qeyri-rəsmi zirvəsi çərçivəsində TDT Xarici İşlər Nazirləri Şurasının iclasında deyib.
Çıxışına Türkiyənin bundan sonra da Azərbaycanın yanında olacağını vurğulayaraq başlayan Hakan Fidan qeyd edib:
“Diqqətlə olan başqa bir məsələ isə Fələstində dinc əhaliyə qarşı aclığın silah kimi istifadə edilməsi və deportasiya təhdidləridir, bunlar qəbuledilməzdir.
Digər tərəfdən, İsrailin Livan və Suriyaya hücumlarının yaratdığı risk də göz qabağındadır. Qarşımızda Suriyada sabitliyə nail olmaq üçün tarixi fürsət var. Suriya administrasiyasının regional və beynəlxalq aktorlarla təmasları və ölkəmizin sanksiyaların ləğvi istiqamətində intensiv diplomatik səyləri nəticəsində konkret nəticələr əldə etdik. Bu dövrdə Türk Dövlətləri Təşkilatına üzv ölkələrin Suriyaya dəstəyi xüsusi əhəmiyyət kəsb edir.
Əfqanıstanda baş verən proseslər də türk dünyasının sülh və təhlükəsizliyi üçün xüsusi əhəmiyyət kəsb edir. Əfqanıstandakı zəngin etnik quruluş, xüsusilə türk mənşəli icmaların mövcudluğu TDT ilə Əfqanıstan arasında mədəni və tarixi körpü yaradır, əməkdaşlıq potensialımızı gücləndirir. Biz TDT çərçivəsində yaradılmış Əfqanıstan işçi qrupunun fəaliyyətini aktivləşdirərək ümumi siyasətlər hazırlamaq iradəmizi gücləndirməliyik”.
