İsrailin atəşkəs rejimini pozacağı təqdirdə, İran ABŞ-nin Fars körfəzindəki hərbi bazalarına və gəmilərinə zərbə endirə, həmçinin Hörmüz boğazını bağlaya bilər.
Teleqraf xəbər verir ki, bu barədə "The New York Times" qəzetində dərc olunan məqalədə qeyd olunur.
Nəşrin məlumatına görə, Tehran İsraillə atəşkəs razılaşmasına yalnız ona görə razılıq verib ki, bu razılaşma çərçivəsində öz mövqelərini qoruyub saxlaya biləcəyinə əmindir, xüsusilə ABŞ və İsrail tərəfindən mümkün hücumlara qarşı.
Qeyd olunur ki, yeni təhdidlərə baxmayaraq, İranın xarici siyasət kursunda hər hansı ciddi dəyişiklik gözlənilmir.
"İran rəhbərliyi hesab edir ki, ölkə hərbi dövrün iqtisadi çətinliklərinə dözə bilər və bu zaman əhali daha çox milli həmrəyliyə can atacaq, qəzəbini isə xarici təcavüzkarlara yönəldəcək", - məqalədə bildirilir.
