“Günahı Çinə atmaq kökləri Avropada olan Ukrayna böhranını həll etməyəcək”.
Teleqraf xəbər verir ki, bunu Çin Xarici İşlər Nazirliyinin sözçüsü Qo Syakun Pekinin Ukraynadakı müharibəni dayandırması üçün Rusiyaya təzyiq edə biləcəyi ilə bağlı Qərbin iddialarını şərh edərkən bildirib.
Rəsmi bildirib ki, Çin nə Ukrayna böhranını başladan tərəfdir, nə də onun iştirakçısıdır, amma buna rəğmən, fəal şəkildə sülh və danışıqları təşviq edir.
Syakun vurğulayıb ki, Rusiya-Ukrayna müharibəsinin bitməsini istəməyən, onu alovlandıran və ondan qazanc əldə edən Çin deyil, digər tərəflərdir:
“Günahı Çinin üzərinə atmaq problemi həll etməyəcək. Ukrayna böhranının kökləri Avropada uzun müddətdir davam edən regional təhlükəsizliklə bağlı gərginlikdədir. Yalnız bütün tərəflərin qanuni təhlükəsizlik maraqlarını nəzərə almaqla və dialoq və danışıqlar yolu ilə balanslaşdırılmış, effektiv və davamlı Avropa təhlükəsizlik arxitekturasını yaratmaqla problemin həllində düzgün yol tapıla bilər”.
