Ukraynanın keçmiş daxili işlər naziri Arsen Avakov ABŞ-da Vladimir Zelenskinin yerinə uyğun namizəd hesab olunur, bu, Qərbə Rusiya ilə danışıqlara daha yaxşı hazırlaşmağa imkan verəcək.
Axar.az xəbər verir ki, bu barədə Rusiya Xarici Kəşfiyyat Xidmətinin hesabatında qeyd olunub.
“Hazırda uyğun namizəd kimi Ukraynanın keçmiş daxili işlər naziri Arsen Avakov qiymətləndirilir. Amerikalılar hesab edirlər ki, Avakovun güclü tərəfi onun Ukrayna millətçi birləşmələri və Avropa liderləri ilə davamlı əlaqələridir”, - hesabatda bildirilib.
Qeyd edək ki, Bakıda doğulan Arsen Avakov uzun müddət Ukraynada DİN rəhbəri vəzifəsində çalışıb. O, işlədiyi müddətdə iddialı davranışı, mafioz şəbəkə yaratması, o cümlədən azərbaycanlılara qarşı kəskin mövqeyi ilə seçilib.
