ABŞ Prezidenti Co Bayden Konqresə Əfqanıstanı Vaşinqtonun Şimali Atlantika Alyansı xaricində əsas müttəfiqi statusundan məhrum etmək niyyətində olduğunu bildirib.
Bu barədə müvafiq bəyanatı çərşənbə günü Ağ Evin mətbuat xidməti yayıb.
Məlumatda Baydenin Əfqanıstanı NATO-dan kənar əsas müttəfiqlər sırasından çıxarmaq niyyətində olduğu açıqlanır.
“Taliban” hərəkatı ABŞ-ın 2021-ci ilin yazında silahlı qüvvələrini oradan çıxarmaq qərarını elan etməsindən sonra Əfqanıstana nəzarətin yaradılması üçün genişmiqyaslı əməliyyata başlayıb. Avqustun 15-də radikallar döyüşsüz Kabilə daxil olublar və sentyabrın 7-də legitimliyi hələ heç bir ölkə tərəfindən tanınmayan müvəqqəti hökumətin tərkibini açıqlayıblar.
Mənbə: TASS
