Amerikalı jurnalist Kendas Ouens Fransa Prezidenti Emmanuel Makronun arvadı Bricitin kişi doğulmasına dair sübutları dərc edəcəyinə söz verib.
Axar.az xəbər verir ki, bu barədə Fransanın “Femme Actuelle” nəşri məlumat yayıb.
Ouens sosial şəbəkə hesabında Bricit Makron adlı qadının heç vaxt mövcud olmadığına dair qəti sübuta sahib olduğunu iddia edib. Jurnalist materialları yanvarın 30-da dərc edəcəyini bildirib.
Ouensin sözlərinə görə, materialları dərc etməzdən əvvəl Fransa prezidentinə sorğu göndərib və ondan bir sıra suallara cavab almağa ümid edib. Xüsusilə, o, prezidentdən arvadının keçmişini soruşub, gəncliyindən fotoşəkilləri və məktəb və ya tələbə həyatından dəlillər təqdim etməyi istəyib.
Jurnalist deyir ki, Fransa prezidentinin vəkilləri tərəfindən təqib edilir, lakin o, ABŞ-ın Avropa olmadığını və fransız vəkillərin onu susdura bilməyəcəyini vurğulayıb:
“Prezidentlər xarici jurnalistlərin onun barəsində açıqlayacağı məlumatdan qorxmasalar, onları hədələməzlər”.
