ABŞ Prezident Donald Tramp bu gün Ağ Evdə iki keçmiş Sovet respublikası - Azərbaycan və Ermənistan arasında sülh paktını elan etməyi planlaşdırır.
Teleqraf xəbər verir ki, bu barədə “CBS News” mənbələrə istinadla məlumat yayıb.
Nəşr ABŞ prezidentinə istinadla yazıb ki, Azərbaycan Prezidenti İlham Əliyev və Ermənistan Baş naziri Nikol Paşinyan “Tarixi Sülh Sammiti və Sülhün İmzalanma Mərasimi” üçün Ağ Evdə olacaq.
“CBS News”a danışan mənbələr bildiriblər ki, Əliyev və Paşinyan Oval ofisdə keçiriləcək tədbirlərdə iştirak edəcək.
“İki dövlət başçısı arasında ilk ikitərəfli sazişin imzalanması ABŞ-nin iki ölkə ilə enerji və tranzit kimi sahələrdə iki ölkə ilə əlaqələri dərinləşdirməyə çalışdığı vaxta təsadüf edir”, - mənbə bildirib.
İki rəsmi nəşrə deyib ki, Ermənistan Qərbə çıxışı təmin edəcək “Beynəlxalq Sülh və Rifah üçün Tramp Marşrutu” adlandırılacaq 43 kilometrlik tranzit dəhlizində ABŞ-nin nəzarətini elan etmək niyyətindədir.
Təhlilin davamında qeyd edilib:
“Azərbaycan Rusiya ilə həmsərhəddir və neft-qazı Rusiyadan keçmədən Ukraynaya göndərmək potensialına malikdir. Mənbələrə görə, sülh sazişi malların Rusiya və ya İrandan keçmədən Qərbə daşınması üçün marşrutlar açacaq”.
Materialda Trampın Ermənistan-Azərbaycan barışığından bir başqa gözləntisinə də diqqət çəkilib:
“Mənbələrin dediyinə görə, cənab Trump, sülh sazişlərinin imzalanmasındakı roluna görə özəl olaraq Nobel sülh mükafatına maraq göstərdiyini söyləyib. Prezidentin mətbuat katibi Kerolayn Lavitt də Trampın ona layiq görülməsinin zamanının çoxdan keçdiyini bildirib”.
Nəşr yekunda qeyd edib ki, ABŞ rəsmiləri aylardır Ermənistan-Azərbaycan müqaviləsi üzərində işləyiblər.
