Hakan Fidan ABŞ Prezidenti Donald Trampın Avropanın təhlükəsizliyinin təminindən müəyyən nöqtədə çıxacağı ilə bağlı açıqlamasına münasibət bildirib.
APA xəbər verir ki, bu barədə Türkiyə xarici işlər naziri Hakan Fidan mətbuat konfransında deyib.
Nazir bildirib ki, Avropa dövlətləri artıq müdafiə sənayesində ABŞ-dan olan asılılığı azaltmaq üçün üçün proqram başladıblar: “Aİ təşkilatları daxilində də dəyişikliklər aparılıb. Avropa təhlükəsizliyində Türkiyənin durduğu yer bəllidir. Türkiyənin müdafiə sənayesi inkişaf etmiş vəziyyətdədir. Prezidentimiz də bunu dəfələrlə ifadə edib ki, qarşılıqlı əməkdaşlığa hazırıq. Aİ-yə üzv olmayan Türkiyə kimi namizəd ölkələri, hətta namizəd olmayan Böyük Britainiya, Norveç kimi ölkələri də əhatə edəcək bir əməkdaşlıq sistemi yaratmalıdır. Xüsusilə müdafiə sənayesi sahəsində bununla töhfələr arta bilər. Hazırda NATO-nun varlığı davam edir, ABŞ buradan ayrıldığını elan etməyib. Yaxın gələcəkdə də bunu edəcəyini düşünmürəm. Türkiyə, Böyük Britaniya Avropanın coğrafiya olaraq parçasıdır. Böyük Britaniya və Türkiyə Aİ üzvü deyil, amma coğrafiya olaraq Avropanın parçasıdır. Təhlükəsizlik sahəsində əməkdaşlıq edəndə sadəcə bir-birinizə dəstək olmursunuz, həm də bir-biriniz üçün təhdid təşkil etmədiyinizi bildirirsiniz”.
